ديوان، شريان
5/2/2017

shadow
الديوان شعري الأول للشاعر شريان الديحاني
 

مشكور.. وأبعد عن دروبي خطاويك من أوّل حروفك.. لـ ( يائك, ويائي ) ͏ ͏ تركت جرحك في يديني.. من إيديك من يعرفك؟ مايكون شاعر بدائي! ͏ ͏ حتى غيابك! ماتركته يخلّيك! خليته بـ قربك! دوايا.. ودائي! ͏ ͏ أكذب وأقول إنّي مع الوقت ناسيك.. وأشوف وجهك في كلام أصدقائي! ͏ ͏ لانّك كبير.. وصدّتك منّك وفيك خلّيتني من منفتح لـ انطوائي! ͏ ͏ حس بـ كلام إللّي يحبّك.. وشاريك وحس بـ شعوري بالشعر واستيائي! ͏ ͏ آخر سؤال.. وجاوب الله يخليك من شدّة أفكاري صباحي مسائي! ͏ ͏ وشلون أقول " إشتقت" من غير ماجيك؟ وشلون أجيك ومَـ أجرح بـ كبريائي؟!

تهدّ وريّح أعصابك.. أنا سابقك ومطوّل! سما يبقى سموّي.. وإنت؟ تبقى بالردا وارث ͏ ͏͏͏ ترى الأوّل يجي ثاني.. إذا قال أنّه الأوّل حلاوة مركز الأوّل.. كلام الثاني والثالث. ͏ ͏

͏ ͏ ͏ ͏ مرآتي والقلب.. لو طوّل يده بالسلام وده يعيش فـ رحابة يدك, طول العمر! ͏ ͏ ͏ ͏ علّمتني كيف أحبّك.. واحتريك.. وأنام واشوفك فـ كل حلم.. وكل مطلع فجر! ͏ ͏ ͏ ͏ وعلمتني لو قصيدي مرّ فيه إنهزام! أشوفك فـ كل حرف, وكل معنى شطر! ͏ ͏ ͏ ͏ وعلمتني ما أفكّر فيك وقت الزحام! لاني أشوفك على وجه السما.. والبشر ͏ ͏ ͏ ͏ وعلمتني لو سهت عيني بـ وجه الرخام أرفع عيوني واشوفك فوق عند القمر! ͏ ͏ ͏ ͏ يـ مرايتي والقصيد اللي عداه الملام كله عشانك من أوّل سطر لـ آخر سطر ͏ ͏ ͏ ͏ تفاخري بي وخليني ب وجه الصدام وتشبّكي بالفعول اللي تسولف دهر ͏ ͏ ͏ ͏ شاعرك دايم مكانه فالأمام.. الأمام و فـ كل ماقف مكانه دايما بالصدر ͏ ͏ ͏ ͏ وماهو من اللي يكثّر مع رفيقه ملام يدمح خطا الغير دام أنها ثمانه عشر! ͏ ͏ ͏ ͏ راضي ومرضي ولايحب الهجا والخصام خصامه أكبر من الزلّه بليّا عذر ͏ ͏ ͏ ͏ عايش تحت رحمة الله وكل اموره تمام ومحافظٍ عالصلاة من الفجر لـ الفجر ͏ ͏ ͏ ͏ وياك ماحاتي الدنيا وأحب السلام أجمل هدوء إنّي فـ قربك أعيش بخطر ͏ ͏ ͏ ͏ يـ أغلى من الكل واقربهم غلا, وأهتمام يـ درب أحبّه.. ولا لي عن طريقه مفر ͏ ͏ ͏ ͏ يـ عشق ماله نهايه.. لو يموت الغرام يـ وجه أحبّه ليا منّه ضحك.. أو كدر ͏ ͏ ͏ ͏ يـ أجمل سنين عمري بالغلا, والهيام يافال متعلّق بـ عمري.. واشوفه قدر ͏ ͏ ͏ ͏ سلّمني لـ قلبك اللي في سلامه سلام وعيّشني بـ كفّك اللي في دروبه سفر ͏ ͏ ͏ ͏ لاتحاتي الشّوق وإنت اللي أحبّه مدام.. أتذكّرك مع عجاج.. وأذكرك مع مطر! ͏ ͏ ͏ ͏ ولاتسرفين السوالف لا هملوك الأنام أنتي سكوتك على الدنيا قصيدة فخر! ͏ ͏ ͏ ͏ أنتي عليك السكوت اللي عليه الكلام وانا علي الكلام اللي عليه الشعر. ͏ ͏

معلومات أخرى

الكاتب:شريان الديحاني
السعر($):0.00
اللغة:عربي
148 صفحة

تعليقات